影片
更多
2023-08-17
53 浏览
作為食肉獸嘅肥仔，今日經過荃灣廣場見到呢間新嘅燒肉店，好想瘋狂食肉肉！一於入去幫襯吓。🥩801盛 Double🥩店名同名菜式，當然係必食！「黑毛和牛肩胛肉」成個碟咁大塊，牛質嫩滑，無血水。燒咗一陣油脂味好香，咬落仲好淋，而且完全無筋。 配埋個汁甜甜地都好好味，蘸埋温泉蛋汁一齊食，係燒肉既最佳組合。「腹前牛小排」牛小排牛味最出，肉味濃郁，無乜筋，入口即化。「蔥鹽味雞腿肉」醃得入味，無雪味。建議蔥喺旁邊燒一燒再配雞食，又有另一種風味。🥩牛舌盛🥩薄切牛舌十分爽口彈牙，加埋香蔥勁香口！🥩九洲雞心🥩口感方面有啲彈性、富有嚼勁。一隻雞得一粒心，為咗串成一串雞心串，必須用上2、3隻雞，係一種相當珍貴奢侈嘅燒雞串。調味無論係醬味或者鹽味都非常好食。🥩檸檬冷麵🥩冷麵尤其正，夠凍，再塊新鮮檸檬酸酸地，麵夠彈牙，平衡燒肉嘅油油感，非常舒服！總結，燒肉種類多，套餐有得選擇份量多同少，夠曬彈性，坐得幾舒服，而且用上無煙燒烤爐，香噴噴咁食，香噴噴咁返屋企食，唔會成身味！
🥩801盛 Double🥩
店名同名菜式，當然係必食！
「黑毛和牛肩胛肉」成個碟咁大塊，牛質嫩滑，無血水。燒咗一陣油脂味好香，咬落仲好淋，而且完全無筋。 配埋個汁甜甜地都好好味，蘸埋温泉蛋汁一齊食，係燒肉既最佳組合。
「腹前牛小排」牛小排牛味最出，肉味濃郁，無乜筋，入口即化。
「蔥鹽味雞腿肉」醃得入味，無雪味。建議蔥喺旁邊燒一燒再配雞食，又有另一種風味。
🥩牛舌盛🥩
薄切牛舌十分爽口彈牙，加埋香蔥勁香口！
🥩九洲雞心🥩
口感方面有啲彈性、富有嚼勁。一隻雞得一粒心，為咗串成一串雞心串，必須用上2、3隻雞，係一種相當珍貴奢侈嘅燒雞串。調味無論係醬味或者鹽味都非常好食。
🥩檸檬冷麵🥩
冷麵尤其正，夠凍，再塊新鮮檸檬酸酸地，麵夠彈牙，平衡燒肉嘅油油感，非常舒服！
總結，燒肉種類多，套餐有得選擇份量多同少，夠曬彈性，坐得幾舒服，而且用上無煙燒烤爐，香噴噴咁食，香噴噴咁返屋企食，唔會成身味！
张贴
