影片
更多
2024-10-14
261 浏览
睇咗YouTuber新德莉莉介紹呢一間喺灣仔嘅印度菜，望落好吸引，book mark咗好耐，咁啱媽咪去旅行，屋企冇飯食就約咗朋友仔過嚟試下。.位置都幾方便，地鐵站行過嚟3-5分鐘左右，雖然佢哋歷史好悠久，成立於1985年，係港島第一間印度菜餐廳，但係呢間舖位只有5年左右，所以望落幾新淨，大部份位置都望到窗口，感覺開揚。.Masala Papad炸薄脆餅 配辛香洋蔥碎蕃茄青瓜及芫茜呢個前菜非常之清爽，微微辣，洋蔥蕃茄同青瓜都切得細碎，入口好融洽，佐酒好夾。.Butter Chicken咖喱裏面雞件嘅份量非常之多，咖喱質感好滑，而且牛油味好突出，同時帶有蕃茄嘅香味，微微酸，幾開胃，搭配細細長長嘅Kesari Pulao 或是南印度特色嘅Chennai Parotha“欽奈薄餅“都好夾，後者layer非常多重，酥香唔油膩，個人幾中意。.Exotic Non-Veg Kebab Platter身為食肉獸，當然要order個烤肉拼盤滿足下自己，呢度嘅烤肉拼盤整體質素都好唔錯。裡面包括有Black Pepper Chicken /Chicken Tikka / Tandoori Chicken /
.
位置都幾方便，地鐵站行過嚟3-5分鐘左右，雖然佢哋歷史好悠久，成立於1985年，係港島第一間印度菜餐廳，但係呢間舖位只有5年左右，所以望落幾新淨，大部份位置都望到窗口，感覺開揚。
.
Masala Papad
炸薄脆餅 配辛香洋蔥碎蕃茄青瓜及芫茜
呢個前菜非常之清爽，微微辣，洋蔥蕃茄同青瓜都切得細碎，入口好融洽，佐酒好夾。
.
Butter Chicken
咖喱裏面雞件嘅份量非常之多，咖喱質感好滑，而且牛油味好突出，同時帶有蕃茄嘅香味，微微酸，幾開胃，搭配細細長長嘅Kesari Pulao 或是南印度特色嘅Chennai Parotha“欽奈薄餅“都好夾，後者layer非常多重，酥香唔油膩，個人幾中意。
.
Exotic Non-Veg Kebab Platter
身為食肉獸，當然要order個烤肉拼盤滿足下自己，呢度嘅烤肉拼盤整體質素都好唔錯。
裡面包括有Black Pepper Chicken /Chicken Tikka / Tandoori Chicken /Lamb Seekh /Fish Tikka / Lamb Chop等等。羊肉熟度剛剛好，帶有微微嘅粉紅色；雞肉口感滑嫩；而魚就燒得幾濕潤，搭配上一輩白酒或是Sangria都好夾。
.
由於太飽，今次冇試到佢哋啲甜品，見到甜品Menu都好有印度特色，下次再嚟試下。
.
Jo Jo Indian Cuisine (灣仔)
灣仔駱克道37-39號得利樓2樓
张贴
