池記

营业中

休息中

晚市套餐有一碗粉麵、小食及飲品，性價比高。套餐夠晒豐富，而且有多款選擇。［粉麵］牛筋腩海蝦雲吞河粉🍜豬手海蝦雲吞竹昇麵🍜池記既海蝦雲吞真係好好食😋，海蝦超彈牙，皮薄餡靚。竹升麵唔會過硬，麵質好爽口。牛筋腩非常入味及軟身。豬手有好多骨膠原。［小食］炸雞翼--即叫即炸，香脆嫩滑。紅油二寶（雲吞、水餃🥟）鍾意食嘅辣嘅朋友一定要嗌，紅油唔算過辣，辣到一般容易接受。［餐飲］估唔到除左平時個d餐飲，更可選：桑寄生薑茶及南北杏雪耳糖水。外面少數餐廳有供應糖水，但要額外升級。呢到免費選配好抵飲。桑寄生薑茶原隻蛋上，味道有少許藥膳的味道👅。最愛南北杏雪耳糖水超潤喉，最近氣管唔好經常咳，飲完舒緩好多，配料有大大塊雪耳。