Bhc chicken

营业中

休息中

個餐牌幅相明明係泡菜牛肉，送上枱嘅食物黎竟然係豬肉。同個侍應講，知唔知咩叫商品說明條例，佢仲好有point 咁旨番比我哋睇，話英文寫住豬肉，以為好有理據咁繼續呃人！我哋問佢咁你餐牌做乜要有相？佢話會反映比公司知。我要求叫經理嚟問點解餐牌上幅相同事實不符，佢竟然話個經理係韓國人唔會識聽廣東話，所以投訴唔到！！（佢好似好開心又搵到借口）我問佢咁佢識收港幣嗎？咁我比won 佢應該識答我啦？！另一碟個樣完全同幅相唔同，我哋仲以為送錯枱，問另一個侍應，佢仲充滿問號咁走去廚房問咗成分鐘，再送返果碟嘢過嚟，答我話，係咁㗎！情況真係好嚴重，完全唔覺得有問題？！咩事呀？真係冇下次！