上次係黎食個all day breakfast
今次就真係食下佢啲lunch
都係少有好食嘅餐廳💛
不過個decoration同我第一次黎差得有啲遠
牆上嘅poster都換左啲輕鬆啲嘅感覺( ´▽｀)
今次影得少相 因為本身冇諗住打
但佢真係好食 值得評價一下( ´▽｀)
長話短說 入食物
呢個係 爆炸糖楓糖三文魚柳配薰衣草汁
佢個三文魚柳唔係話好大舊
但有完全用哂隻碟嘅位去做擺盤
意大利青瓜同黃瓜嘅點綴我都係欣賞嘅
顏值爆燈嘅一碟
嗰圈紫色嘅醬汁就係薰衣草汁
唔係只係得顏色！
個薰衣草汁係放落口就好重薰衣草香
少少甜味 但更重要都係個香味( ´▽｀)
爆炸糖 簡單掃左一層喺個魚皮上面
一入口已經乒鈴嘭唥
feel到同聽到爆炸糖啲跳動( ´▽｀)
咁同時都望到有少少楓糖漿
甜野對三文魚皮個質感係有加成嘅
因為個皮會脆左好多
澱粉質控嘅我想講個薯蓉都係好好食
唔會太濕又有滿滿牛油香
個配搭唔漏 會想食完再食
然後發現左我睇漏左都幾多野
本身三文魚個貨嘅本身係咪靚
係咪煮得好有技巧嗰啲真係會唔覺意就忽略左
一碟main係色香味都有當然最好
但其中一樣嘅一個部分做到極致
係可以令人睇唔到其他嘅好 哈哈哈
好誇張同好高評價
呢個係秘製伊比利亞火腿卡邦尼意粉
Pasta都係好食嘅 個粉本身就帶啲蛋味
個口感都做到Al dente
不過冇條魚咁驚艷
一隻溫泉蛋suppose會令芝士更漏
而且偶爾會怕啲ham太鹹
不過佢個配搭做得唔錯 所以食落口
所有野個味都係平衡嘅
咁個外觀都係靚嘅
應該碟嘅顏色都係有諗過
成個觀感都係好舒服嘅
最後叫多左個甜品
唔係講笑 呢道擺盤係真係有諗過( ´▽｀)
隻碗係明顯為加上去而加( ´▽｀)
真係唔食得都睇得
個外貌係砵仔糕咁嘅樣
用兩枝固力果插住
但食落口就係好重奶茶味嘅布甸/mousse
個質感對我嚟講太實同硬
主體下面係餅碎 但其實都唔太痴得起( ´▽｀)
不過個味道係真係好出嘅奶茶味
Gimmick 野 靚嘅打卡都開心
味道都幾好嘅 係冇諗過個口感係咁姐
埋單唔記得影相( ´▽｀)
就咁加哂銀碼就係274蚊
應該平日係冇加一嘅lunch
唔收credit card只收現金
