平昌

营业中

休息中

首先，當初到埋位嘅時候，已經見到有曱甴喺張枱度行嚟行去，雖然係細嘅，但係真係好嘔心。食飯嘅時候更加仲有一隻喺隔籬枱爬過嚟，冇晒胃口食飯。再者，半個鐘先來小息係咩意思，一落單已經嗌海鮮煎餅、吉列炸蝦、炒年糕、炒粉絲，結果10分鐘後嚟咗個海鮮煎餅， 30分鐘後再吹，吹大概三次佢先來剩低嘅小食，我吹佢嘅時候，佢粒聲唔出唔知咩意思，勁臭串。叫侍應嚟幫我哋加啲小菜，或者係加啲蛋，全部黑口黑面，勁冇禮貌，笑容都冇。此外，落親單永遠都嚟唔切，份量都少咗勁多，嗌5份牛肉，佢淨係比兩份。真心可以改善下員工嘅服務態度同餐廳衛生整潔程度。