影片
更多
2020-11-22
42 浏览
踏入十一月， 秋風起，本應係個打邊爐嘅好時機，可惜最近疫情比之前較為嚴重，真係要趁機同朋友聚會，如果唔係遲啲都唔知幾時可以見！「尚膳養顏滋補鍋」最近開張，鍾意試新野嘅我，當然係第一時間去試吓啦！餐廳環境寬敞，抽風唔錯，打完邊爐個身都唔會好大陣味。餐廳有大量醬油配料供應：辣椒、炸蒜、蒜蓉、芝麻醬、芫荽、蔥等等真係講得出嘅都有架。打邊爐最重要係個湯底，亦都係成餐飯嘅精華，呢度嘅湯底選擇都好多，我哋揀咗餐廳嘅招牌湯底，「尚膳養顏美人鍋」。尚膳養顏美人鍋：呢個美人鍋採用淮山、北耆、黨參、杞子、圓肉、龍眼干、紅及黑棗 鍋料，再加入竹絲雞同桃膠煲成。湯滾後試左一啖，果然非常惹味呀，味道真係鮮甜，雞味相當香濃，非常滋潤，接著當然就係落火鍋料啦。呢度有咁多手工餃同手打丸，又點可以唔試下呀！呢度嘅餃同丸都可以叫半份或一份，絕對適合想試多d唔同款式嘅我地。黑松露蝦丸/蟹籽墨魚丸（各半份）：呢度嘅丸全部都係新鮮手造，粒粒大細平均，入口新鮮好味而且彈牙。蝦丸咬落好重黑松露味，墨魚丸外色十分之雪白，加入左蟹籽，肉質鬆軟爽口，味道相當香濃，非常特別。鳳城水餃/台式蛋餃（各半份）：乒乓波大細嘅鳳城水餃，裡面包住大大
「尚膳養顏滋補鍋」最近開張，鍾意試新野嘅我，當然係第一時間去試吓啦！
餐廳環境寬敞，抽風唔錯，打完邊爐個身都唔會好大陣味。
餐廳有大量醬油配料供應：辣椒、炸蒜、蒜蓉、芝麻醬、芫荽、蔥等等真係講得出嘅都有架。打邊爐最重要係個湯底，亦都係成餐飯嘅精華，呢度嘅湯底選擇都好多，我哋揀咗餐廳嘅招牌湯底，「尚膳養顏美人鍋」。
尚膳養顏美人鍋：
呢個美人鍋採用淮山、北耆、黨參、杞子、圓肉、龍眼干、紅及黑棗 鍋料，再加入竹絲雞同桃膠煲成。
湯滾後試左一啖，果然非常惹味呀，味道真係鮮甜，雞味相當香濃，非常滋潤，接著當然就係落火鍋料啦。
呢度有咁多手工餃同手打丸，又點可以唔試下呀！呢度嘅餃同丸都可以叫半份或一份，絕對適合想試多d唔同款式嘅我地。
黑松露蝦丸/蟹籽墨魚丸（各半份）：呢度嘅丸全部都係新鮮手造，粒粒大細平均，入口新鮮好味而且彈牙。蝦丸咬落好重黑松露味，墨魚丸外色十分之雪白，加入左蟹籽，肉質鬆軟爽口，味道相當香濃，非常特別。
鳳城水餃/台式蛋餃（各半份）：乒乓波大細嘅鳳城水餃，裡面包住大大小小嘅鮮蝦同豬肉，非常飽滿，餃皮夠薄之餘質感仲好紮實，咬落去真係有一粒粒嘅蝦，彈牙之餘仲好好味添。
蛋餃都相當特別，有別於用水餃皮整嘅餃子，呢度係用蛋皮製作，非常特別，最值得一讚係佢個蛋皮做得好好，淥得耐都唔會爛。
美國桶蠔：桶蠔賣相精美，份量算多，非常新鮮，亦都相當爽口，好好味。
手打蝦滑：蝦滑食落好爽口，都好重蝦味，入口煙煙韌韌，係湯底中淥左好耐口感都無變。
即炸響鈴：
響鈴夠新鮮，輕輕放入湯內淥過後，外軟內脆，吸收咗湯底嘅精華後真係格外好味。
蜂巢冰豆腐/甜粟米/農場雜菌：打邊爐當然唔可以只係食肉，點都要叫d蔬菜嘅，我地選擇左粟米，凍豆腐同埋雜菌。冬菇同凍豆腐吸收左湯底嘅精華後都好好味。至於粟米煲過接近一小時後，吸收左香濃嘅湯真係格外好味，特別一讚嘅就係廚師將粟米切到細細夠，方便我哋進食，真係非常細心。
打完邊爐後，店員仲為我地送上水果，幫助消化，亦為我地今晚嘅晚餐劃上完美句號。
张贴
