影片
更多
2018-10-29
6058 浏览
圓方餃子粥麵開業超過二十多年，係區內嘅老字號。 2018年4月，我第一次食圓方餃子，作為餃子迷嘅我，點解會咁耐都唔去朝聖呢？！原因就係佢嘅湯餃係用魚湯做底，所以我咁耐都唔嚟試。由細到大個個人都話魚有益，但我個人好奇怪，喺幼稚園畢業之前都勁鐘意食魚，但升上小學後，我估我應該已經用晒唔食魚嘅quota ，所以對食魚好揀擇，基本上係唔食，而魚湯更加係滴水不沾。不過，今年我終於鼓起勇氣去試，仲先後去咗兩次，兩次都有叫招牌嘅魚湯西洋菜餃做膽，之後再拖其他小食。魚湯西洋菜餃最初我都係本住"如果個魚湯真係好重魚味，我就會推晒成碗餃子比隔離果個食，我最多咪食其他野！" 到我食第一啖餃時，發現其實又無我想像中果種魚味，所以可以繼續食，哈哈！講返隻餃子，每隻餃子都係每日新鮮即包，店員包到冇停手。佢唔屬於超級大隻果種，但皮薄軟滑，經過湯煮後個皮無穿之餘仲可以睇到入面嘅餡料。菜肉比例各半，肉質鮮嫩多汁，仲充斥住西洋菜獨有嘅味道！27蚊一碗有8粒，算係相當抵食！魚湯韮菜餃 相比之下，韮菜餃無西洋菜餃咁出色，但都唔差！同樣皮薄餡靚！蝦米腸腸粉皮唔算太薄，食起黎唔夠滑！蒸蘿蔔糕老老實實，我真係冇諗過蒸蘿蔔糕佢都係件
由細到大個個人都話魚有益，但我個人好奇怪，喺幼稚園畢業之前都勁鐘意食魚，但升上小學後，我估我應該已經用晒唔食魚嘅quota ，所以對食魚好揀擇，基本上係唔食，而魚湯更加係滴水不沾。
不過，今年我終於鼓起勇氣去試，仲先後去咗兩次，兩次都有叫招牌嘅魚湯西洋菜餃做膽，之後再拖其他小食。
魚湯西洋菜餃
最初我都係本住"如果個魚湯真係好重魚味，我就會推晒成碗餃子比隔離果個食，我最多咪食其他野！" 到我食第一啖餃時，發現其實又無我想像中果種魚味，所以可以繼續食，哈哈！
講返隻餃子，每隻餃子都係每日新鮮即包，店員包到冇停手。佢唔屬於超級大隻果種，但皮薄軟滑，經過湯煮後個皮無穿之餘仲可以睇到入面嘅餡料。菜肉比例各半，肉質鮮嫩多汁，仲充斥住西洋菜獨有嘅味道！27蚊一碗有8粒，算係相當抵食！
114 浏览
2 赞好
0 留言
相比之下，韮菜餃無西洋菜餃咁出色，但都唔差！同樣皮薄餡靚！
111 浏览
1 赞好
0 留言
蝦米腸
腸粉皮唔算太薄，食起黎唔夠滑！
100 浏览
0 赞好
0 留言
蒸蘿蔔糕
老老實實，我真係冇諗過蒸蘿蔔糕佢都係件上，喺我印象中呢d舊式粥麵店嘅蘿蔔糕，應該係一舊磚咁嘅。 Anyway 佢個蘿蔔糕不過不失啦，唔係難食又未至於好好味，下次可以叫煎。
82 浏览
0 赞好
0 留言
煎韮菜餃
佢嘅煎韮菜餃絕對比湯韮菜餃優勝！外皮煎得金黃香脆，未食齋睇見都流晒口水！16蚊3大隻， size 係大隻過隻匙跟， 餡料足又多汁，超濃嘅韮菜香味撲鼻而來，一咬落去d肉汁多到吱出嚟！記得慢慢食，以免辣親之餘，仲要彈到隔離搭枱果個，就唔係咁好啦！
76 浏览
0 赞好
0 留言
张贴
