美味餃子店

营业中

休息中

一直想試呢間餃子店好耐，但每次經過都見到大排長龍， 實在令我卻步，今日因為晏食晚飯， 見人流唔係太多就終於的起心肝試下喇， 等左一陣就入得， 朋友話雲耳椰菜餃同白菜餃最好食，由於太夜，白菜餃已經賣晒！ 最後叫左十隻雲耳椰菜餃, $57 十隻大大隻，價錢亦都好親民，餃淨係個餃子皮都已經冇得輸！ 而且饀料都好足料， 湯外皮入口滑溜，而且厚薄適中，放在湯都冇穿，不愧為手工餃子！重點一定要飲個湯， 因為係用野葛菜煲生魚豬骨湯煲架，湯底足料濃郁，鮮甜味道啱啱好，唔會過鹹，重點係冇落味精，好有媽媽嘅味道啊，加埋店鋪自製嘅辣菜脯同醋，酸酸辣辣勁開胃！下次一定會再幫襯！希望可以試到白菜餃啦