影片
更多
2024-07-03
3092 浏览
我老婆好鐘意食餃子，朋友介紹呢間餃子店好味，今晚早放工就一於黎試下🤟🏻餐廳以日本酒場做賣點，除左有多款餃子選擇之外，仲有清酒、手工酒飲，裝修都幾好有特色，座位整齊得黎枱與枱之間都唔會太迫🍻火焰醉雞翼（$52）店員會係我地面前淋清酒再點火，都真係幾有驚喜㗎，雞翼火灸完之後好香口，而且充滿清酒味道，雞翼點埋柚子醬，可以完全中和酒嘅辣味，意想不同係咁夾，而且雞翼D肉好嫩好多汁，我自己好鐘意食呢個小食🔥泡菜芝士玉子燒餃子 （$68）呢個係餐廳必食推介，呢個做法真係好有創意，店員會係我地面前用火槍燒溶D芝士，火焰芝士味道再溶入餃子，個底係厚厚嘅玉子燒，而面頭鋪滿芝士、韓式辣醬同泡菜，餃子有十隻，賣相成個pizza咁，極邪惡，我地揀左雙拼 （加$4）一半係粟米豬肉餃，一半係招牌餃子，粟米餃較甜，招牌餃子就較鹹，兩款餃子都好夾🥟🍕今次大鍋啦~餃子鍋（$68）另加竹輪（$6）呢個餃子鍋物好豐富，裡面除了餃子仲有滑豆腐，鴻喜菇，芽菜和蔬菜，餃子有8隻，皮薄餡多，肉質新鮮，吸滿清甜湯汁，唔使點醬料已經好夠，竹輪都好大條，有魚味，食完真係好飽😋蘇格蘭蘋果酒(HK$39)⭐️現惠顧任何食物可以每人送一杯清酒🍶飲
餐廳以日本酒場做賣點，除左有多款餃子選擇之外，仲有清酒、手工酒飲，裝修都幾好有特色，座位整齊得黎枱與枱之間都唔會太迫🍻
火焰醉雞翼（$52）
店員會係我地面前淋清酒再點火，都真係幾有驚喜㗎，雞翼火灸完之後好香口，而且充滿清酒味道，雞翼點埋柚子醬，可以完全中和酒嘅辣味，意想不同係咁夾，而且雞翼D肉好嫩好多汁，我自己好鐘意食呢個小食🔥
泡菜芝士玉子燒餃子 （$68）
呢個係餐廳必食推介，呢個做法真係好有創意，店員會係我地面前用火槍燒溶D芝士，火焰芝士味道再溶入餃子，個底係厚厚嘅玉子燒，而面頭鋪滿芝士、韓式辣醬同泡菜，餃子有十隻，賣相成個pizza咁，極邪惡，我地揀左雙拼 （加$4）一半係粟米豬肉餃，一半係招牌餃子，粟米餃較甜，招牌餃子就較鹹，兩款餃子都好夾🥟🍕
今次大鍋啦~餃子鍋（$68）另加竹輪（$6）
呢個餃子鍋物好豐富，裡面除了餃子仲有滑豆腐，鴻喜菇，芽菜和蔬菜，餃子有8隻，皮薄餡多，肉質新鮮，吸滿清甜湯汁，唔使點醬料已經好夠，竹輪都好大條，有魚味，食完真係好飽😋
蘇格蘭蘋果酒(HK$39)
⭐️現惠顧任何食物可以每人送一杯清酒🍶飲完唔夠喉我地加多一支蘋果味果酒，容易入口，6.7% 酒精度，炎熱夏天來一杯真係好爽呀🍺
餐廳無論小食同餃子都好有創意，份量又大，價錢又唔貴。絕對係抵食之選👍🏻
张贴
