彩福皇宴 (安達中心)

营业中

休息中

今日放假去到尖沙咀，突然間心血來潮想飲茶,但係依家想搵間似樣d既酒樓都好難,醒起同事講過近尖東果邊有間彩福皇宴都唔錯,於是就走去試下。去到見到環境都相當之唔錯,乾淨企理,派頭唔錯，擺酒一流。坐底左就叫左個自選三寶,胡椒豬肚湯,砂鍋雞柳炒烏冬及白焯生菜,另外叫左海螺片雞扎,竹笙高湯鮮竹卷同埋薑汁雞包仔。胡椒豬肚湯好重胡椒味,好惹味,豬肚洗得好乾淨。砂鍋雞柳炒烏冬即叫即整,熱辣辣,雞柳同烏冬非常入味。海螺片雞扎,雞夠滑,魚肚夠淰,非常好味。竹笙高湯鮮竹卷足料夠入味。薑汁雞包仔夠哂熱辣辣,軟淰淰。