嶺南樓

营业中

休息中

嶺南樓聽個名都知係邊度🤣曾聽過這店的名字，今次特登從港島入去飲茶。剛好去到開門不久，大把位揀，侍應都說隨便坐，揀咗張近樓梯底近落地大玻璃窗的枱坐下，因樓底高，又掛住兩幅對聯，覺得書卷味濃。點心叫咗：蠔皇鮮竹卷、原籠馬拉糕、鮮竹牛肉球、叉燒雪山包、香茜牛肉腸粉、特價$9.9芝士鮮蝦炸春卷，另加套餐：1個點心併盤、小食濃湯浸菜心+雪菜火鴨絲燜米。點心不過不失，牛肉腸粉有d筋，芝士鮮蝦炸春卷好脆但無乜芝士味。另外個雪菜火鴨絲燜米，d鴨絲就韌咗d及乾咗d（無乜汁）。套餐個拼盤比較少點心。值得一讚就係$7一個茶錢就真係比較抵了。地方整潔，服務OK，有泊車優惠。飲完茶還可以落樓下個公園影返幾幅靚相，有個這樣的半天遊都唔錯。