憶食尚臘味煲仔飯

营业中

休息中

今日我地去佐敦探朋友，然後一齊去佐敦揾野食，行到文匯街，見到一間裝修好靚的食店，叫做憶食尚臘味煲仔飯，就走左入去。 店有2層，一入去就見到好多不同的臘味飯盒，如果鍾意食，可以買返屋企。我地揀左坐樓下，店員即刻走來問我地飲乜野茶，仲向我地介紹餐牌內的食物，我地點左廣式臘味煲仔飯、霸皇葱油雞和娃娃菜。 廣式臘味煲仔飯內有臘肉、臘腸和臘鴨，加上葱和豉油，我地即刻聞到煲仔飯的香味，材料鲜味彈牙，有濃濃的飯香，軟綿綿的飯好好食。食完之後，店員主動來刮出煲仔飯的飯焦，飯焦卜卜脆，好好味。霸皇葱油雞也好味，雞軟滑適中，不肥不瘦。娃娃菜有美味的上湯，好美味。 我地今次只食左3碟餸，覺得好好味，仲有好多款未食，值得再來幫襯，我地下次要再試下川椒麻辣雞煲和三色雞絲撈麵。