段純貞牛肉麵 (如心廣場一期)

营业中

休息中

一直都鍾意段純貞食，牛肉麵係好好食，MOKO同埋將軍澳分店都食過，喺荃灣見到有又想食。🍜招牌紅燒腱心牛肉麵幾乎每次都係必點呢一款，微辣，牛肉湯底特別香濃，牛腱心肉呈花紋狀，油脂分佈均勻，食落軟滑，滿口豐富膠質。🍜濃湯燉雞麵湯底奶白，唔會鹹，成大個雞髀，肌肉非常軟滑流汁。手工面比較特別，非常寬大嘅麵條，比較有韌性有口感。🍜藥膳雞翼三隻雞中翼連翼尖，唔好講笑藥膳汁非常好味，我飲晒。🍜三星蔥肉鍋餅台灣三星蔥係特別香，用嚟做煎鍋餅夾心，青蔥味非常香。🥗蒜醬油麥菜叫個菜食吓，超級大碗👍🏻👍🏻🧋優格紅茶🧋太極厚奶珍珠奶茶食台灣菜，奶茶係標配，餐廳有個奶茶corner Chatime,，就咁買走外賣都好方便。段純貞品牌，喺唔同分店食都保持到水準，非常之好。