Espresso Alchemy (美麗華廣場1期)

营业中

休息中

呢間coffee shop已經係我日常休閒嘅好地方，今日約咗個新認識嘅朋友喺呢度食晚餐，因為覺得呢度嘅環境舒適又寧靜，好岩坐低傾計。《青醬雞扒沙律》$88基本上每次嚟都會食呢個沙律，因為份量好大，又夠新鮮，加上雞胸真係超好食，一啲都唔鞋，感覺食緊慢煮雞胸，同埋肉質有彈性，總之就好好食！！《雜菌黑松露忌廉扁意粉》$98雜菌同埋黑松露呢個配搭簡直冇得輸，成個扁意粉都充滿黑松露香可見廚師俾得一啲都唔手緊，而扁意粉嘅口感就比較偏林，如果再硬返少少就更加好啦，整體都唔錯。《Tiramisu》$52第一次食呢度嘅Tiramisu, 覺得好好食，甜度啱啱好，而且好重咖啡味，微微嘅苦，中和返忌廉嘅甜，口感仲要係好濕潤，正！《Match Latte》$46呢個系列好似係佢哋新推出，所以就即管試吓，抹茶味好濃，同樣唔會好甜，幾好飲。