Mano (The L. Square)

营业中

休息中

放工來銅鑼灣shopping，想快食個意粉，就黎左Mano銅鑼灣分店。之前在觀塘食過質素有保證，所以就encore佢。原想點個pizza，但銅鑼灣分店就没有，改而點了男朋友最鍾意嘅燒豬腩。外加2個小食和一個意粉。香烤千層芝士茄子茄子切開幾層再砌返，好腍好juicy多汁，配茄醬出奇的好食，連唔食茄的我都食左2件！巴馬臣芝士薯條因為見隔離枱點，所以又跟住點！薯條新鮮炸起，是粗身又長的那種，香脆熱辣帶芝士咸香。食唔停口！新鮮黑松露蘑菇扁意大利麵被這意粉吸引而來，上枱已經好香松露味，扁意粉掛汁能力一流，每條意粉都沾滿醬汁，仲有片片蘑菇，食落好creamy有口感！意式脆皮燒豬腩卷配辣肉腸蘭豆豆平時好少西餐廳會有豬腩食，呢度塊豬腩好有驚喜！豬皮燒得卜卜脆，腩肉肥瘦層次多重，一定要打直切一嚿嚿咁食，咁先最滋味！加埋一旁沙律酸酸地好開胃！整體來說，呢度晚市好有氣氛，好多人黎happy hour完直接食埋野，加上食物出品質素有保證，所以咁多人幫襯係有原因！