馬哥孛羅咖啡廳

星期一約左3位老友聚餐，我乜都想食，老友就提議食自助餐，比我滿足下個胃😂我就揾到呢間，地點係尖沙咀，大家都就腳。係OpenRice 訂位仲有75折，去到服務員問我地有無人過55歲，我地問有又有乜着數，原來過55歲人士有優惠，會平100蚊，仲可以和75折同時使用，咁真係超抵食，可惜我地未到😂一入門囗位就比擺設得好靚既甜品吸引，兜左一圈望下有乜野食，大至都係自助餐一般有嘅冷盤翡翠螺、長腳蟹、龍蝦…燒羊架和燒牛肉就一定唔少得，少有嘅燒味、彊醋和中東烤雞昵到都有，仲有各式各樣唔同烹調嘅蟹和幾種唔同既咖喱菜色選擇。壽司和刺身、沙律吧又點少得，亦有我最愛嘅生蠔，不過就令我太失望，蠔好細仲冇乜肉，而且出得好慢，食左4隻已經放棄唔想再食🙁大致上今餐大家都覺得ok。