路過見到有間新開串燒小店
比佢個餐牌吸引左
串燒每串都係10幾蚊有交易抵玩
反正又未食野 啤酒加串燒岩晒
店內的裝修簡潔
水泥牆配霓虹燈條
另外有木系餐檯餐椅
簡簡單單又幾唔錯
//食肉獸串燒拼盤 $200//
總共14串 都係$200
廿蚊唔駛有1串仲要全部都係肉
店員話呢個拼盤既肉類係隨機
但就牛、羊、雞、豬咩都有齊
最岩我呢D唔想做選擇既懶人
雞睥肉︰雞肉肉質夠滑
雞中翼︰火喉控制得剛剛好 雞皮燒至脆口
入面D雞肉仍然鮮嫩鎖住肉汁
雞腎︰口感唔錯 爽口唔韌
牛肋粒串︰油脂好香夠牛味 個調味好正
牛舌︰外焦內嫩 爽口而且牛舌味濃郁
金菇肥牛卷︰肥牛好掛汁 金菇爽口
安格斯牛柳粒︰牛味濃 肥瘦恰當又多肉汁
豬五花︰少少邪惡
油香夠但少少的一串又唔會覺得太油膩
羊肉串︰食羊最怕羶 呢個羊肉就正喇 香而不羶
牛丸拼墨丸︰︰一分為二 半粒半粒幾好 肉質彈牙
芝士腸︰表皮燒到脆口 接近爆漿之際口感就最正
時間控制得剛剛好
台灣腸︰呢個真心堅正 内裏多汁
口感正宗台灣腸 少少香口
雞軟骨︰香脆又有咬口
煙鴨胸：夠厚身 味道濃郁
印尼撈麵 (大) $25
印尼撈麵係我地既回憶 香口之餘食完就飽飽
藍妹 $22
食串燒當然唔少得飲酒啦 一口肉一口啤酒 爽
