平昌

营业中

休息中

天氣凍不外乎打邊爐或燒烤啦！韓燒都可以令人熱辣辣！可以係室內又唔駛不停加炭，係唔錯嘅選擇！👍🏻平昌 可以任食燒肉係食肉獸最鍾意嘅！多款肉類任君選擇，無論係牛或豬種類都非常之多，另外仲有海鮮及一啲韓國料理，真係勁多選擇，胃唔夠大都試唔齊！燒肉最重要係要掌握時間，由於肉片較薄切，一傾偈肉就容易過熟，大家要多留意啦！但薄都有好處，燒啲時間短快啲有得食😆淨食肉類會覺得太油膩嘅人都唔駛擔心，因為仲有啲飯及都類可以選擇，完全唔駛擔心會唔飽囉！實際係樣樣都想試吓果陣就會食過飽😅由於好多肉類都係醃製過，所以個鐵板容易燶底，好在職員都好勤力幫手替換👍🏻服務唔錯！上菜姐姐仲會主動問生菜🥬夠唔夠，需唔需要加👍🏻其中辣調味烤牛肉 係鐵板上一次過炒一炒，熟左就食得，好方便快捷又好食😆