雲桂香米線專門店

营业中

休息中

周不時都會留意觀塘有咩食，呢間鋪一開張就已經急不及待走去食，食到而家只有兩個字 --- 「失望」。岩岩開張時其實個小窩米線幾好食，湯底入味，配料足米線多! 可惜開張一個月多啲水準就愈黎愈差，小窩米線既麻辣湯底一啲麻辣味都冇，叫小辣亦都沒有辣度。以往叫開開的豬紅亦完全沒有味道。服務方面，我諗呢間鋪開張左咁耐都仲未好處理到上菜速度，試過係午膳繁忙時間食足足等了一小時才有得食...不過有驚喜的是近排試新野，試下佢地既熱伴米線，感覺還不錯。叫小辣是真的有辣味和辣度，米線份量多，配合花生加上麻油進食，感覺還不錯。其實觀塘區既米線唔多，希望呢間可以改善下質素，繼續留喺觀塘啦~