三星台菜食堂

第一次食呢間分店，嗌咗個下午茶試吓。最近想食肉操雞扒飯，正常水準啦個飯。但係個飲品呢就極之麻麻，我超唔鍾意。佢又少選擇唯一揀得落一個菠蘿茶加仙草。菠蘿個味完全唔新鮮，完全唔夾，硬硬地咁，完全唔知整左啲乜嘢俾我囉，我好勉強咁飲埋佢。menu選擇印象中都比較少。

另外間鋪唔係開咗好耐咋嘛，但係筷子都爛爛地，尾端個飾物甩埋。服務生都有啲心不在焉囉，明明兩個客人，俾咗兩對筷子但紙巾比得一張。

環境OK好啦，冇人排隊，所以可以坐得鬆動。