三星台菜食堂

第一次食呢間分店，嗌咗個下午茶試吓。最近想食肉操雞扒飯，正常水準啦個飯。但係個飲品呢就極之麻麻，我超唔鍾意。佢又少選擇唯一揀得落一個菠蘿茶加仙草。菠蘿個味完全唔新鮮，完全唔夾，硬硬地咁，完全唔知整左啲乜嘢俾我囉，我好勉強咁飲埋佢。menu選擇印象中都比較少。另外間鋪唔係開咗好耐咋嘛，但係筷子都爛爛地，尾端個飾物甩埋。服務生都有啲心不在焉囉，明明兩個客人，俾咗兩對筷子但紙巾比得一張。環境OK好啦，冇人排隊，所以可以坐得鬆動。…查看更多

我們於1/4（六）約下午一點十五分左右到達餐廳，內裡客人不多，當然心諗周末午餐時間，為何咁少人🤫餐廳用QR code 落單我們叫了2個午餐。❶鮑魚花膠燉雞湯麵線配涷大紅袍蜜桃茶（$138）：鮑魚有點硬，雖然是湯麵線但麵完全沒有鬆開，一大餅的。❷台式鹽酥雞冬粉（牛骨湯底）套餐：鹽酥雞炸得還行，有很多黑蒜，冬粉ok，湯底很濃🤯滷豆干：有很多黑蒜在豆干上面，反而吃不到豆干的原味，吃完個口「興哂」🥵熱桂花烏龍有一位侍應的態度不是很好，其他都還可以😌其實沒什麼服務態度，還要加一😢間中還有垃圾車經過，可能令食客印象不是很好…查看更多

每次來只會食花雕雞腿冬粉叫呢個永遠都不失望花雕湯底好好味，雞腿都是花雕滷但今日雞髀比較鞋 不夠滑 有點小失望冬粉吸滿湯汁 比麵線好吃只是價錢真的是不太便宜只能說。。MOS很難有便宜的店呀不過跟朋友來聊天很適合 沒人又不限時我們下午茶聊到晚市開始 都常有阿姨幫我們加水…查看更多

其實每次黎食都覺得唔值得禁貴同埋如果無心做好就不如算啦。。。。每次黎食都只因唔洗等位，純粹趕時間填飽肚就算2個人食晚餐，晚飯高峰時間一枱客都無。。。。除左出餐快得驚人之外，真係無其他可能咩都整定晒掛。。。所以快囉散叫左個鹽酥雞，唔香唔脆，油淋淋，真心難食。。。 $622杯珍珠飲品，但全部d珍珠係痴埋一pat pat2個麵還算可以，無特別，但一個餐連小食野飲盛惠$13x。。。。質素同價錢係唔成正比。。。真心唔值…查看更多

*第一次寫食評就比左佢。（因為唔想佢消失冇得再食蒜泥白肉🤣）星期日同老公係呢間三星食下午茶。其實係馬鞍山住左快2年，都係呢間野食過幾次，每次黎都會叫一碟蒜泥白肉。想話係我暫時食過最好味既蒜泥白肉。佢唔係譚x果種好油、辣、淋身，係爽口、勁多蒜、掛左佢個汁配飯好正💖同意其他評價佢既飲品係有待改善。但炸雞排魯肉飯個人係覺得好食過樓上間茶x⋯⋯可能各有各特色。今日同老公討論佢明明唔係咁差，點解幾次黎食都唔多人🤣🤣（所以都好好坐，啲枱好大，食蒜都好，同人傾計都OK）建議店家可以搵到hero products，再定期出下seasonal菜式🤭唔想沙漠中只得返一間台菜，會QQ😂…查看更多

平日晚餐時間周圍都搵唔到位，又開始餓，見佢有位就入去試下。紅燒三星麵（套餐）蕃茄湯配涼拌四季豆-$103(2.5/5) er….四季豆係好食既，蕃茄湯味道唔濃，麵份量偏小同硬，肉既份量都唔多，同埋啲肉偏咸。炸甜不辣(半份）＋$25(3/5)正常味道，都煙靭既。不過$25黎講份量有啲小。魯肉拌麵（套餐）改粗麵配滷豆干-$103(2.5/5)魯肉偏咸，麵有小小黐埋一舊，不過拌埋啲魯肉就好啲。滷豆干就正正常常，普普通通。蒜泥白肉(半份)+$25(3/5)白肉偏簿，不過味道正常，重蒜。好食既。份量都ok。總結:佢又末去到難食，但又唔算好好食。正正常常不過不失。佢既小食比主菜出色。不過末必會想再去第二次。…查看更多

三星台菜食堂 -馬鞍山今次行過馬鞍山，見到一間新開的台灣菜，所以入去試一試，點知一坐低打開OpenRice 見到很多不好的評價，但都已經坐低左，於是抱住一個試服既心態試試吧於是點了兩個主食，去到一個台灣餐廳，當然要試下紅燒牛肉麵同魯肉飯的食物。紅燒三星麵 $103叫了一個紅燒的三寶（牛肉、牛筋、牛肚）刀削麵，牛肉牛筋方面其實都幾淋，刀削麵都幾粗大，個湯叫左個蕃茄味既湯，不過不失魯肉拌麵 $78魯肉食物方面，叫了一個魯肉拌麵，魯肉都幾大粒，不是台灣魯肉飯的肉碎。選擇左粗麵，個人比較喜歡粗麵質感多於刀削麵，可惜拌麵本身就比較乾身，所以食落不太一條條分明，但味道都算合格以上至於配菜，涼拌四季豆同滷豆干都係正常，不過不失，四季豆都幾爽脆。炸甜不辣（半份) +$25蒜泥白肉（半份)+$25另外加左兩款特色小吃。炸甜不辣有驚喜，炸得很香口，加上甜不辣本身都煙煙韌韌，幾好食。至於蒜泥白肉就一般般，正正常，但略嫌不夠重口味，蒜不是太泥狀而且蒜味唔夠重。飲品選擇了熱桂花烏龍及「是日冰茶」，冰茶相信都是烏龍茶，食完野飲返一杯茶都幾解膩，飲落都幾清新。總結，食物味道方面其實又不是太服，唯獨是價錢方面性價比不足。當然可能由於在商場內開舖，所以定價比較高彌補昂貴舖租。如果價錢打個8/85折可能會吸引到更多人流吧。…查看更多

只可以用勁差來形容這頓晚飯15/9/2022晚市，叫了鮑魚花膠湯面$138, 最貴的材料沒有味道之外，菜硬及面勁淋。仲叫左紅燒三星面及魯肉飯，質素差。埋單328（有加一服務費）食物質素差，員工沒有服務，叫左3次要3杯暖水，只提供一杯超熱的水。QR code落單，比左中午用過的QR code, 一入已經落左單，好彩望清楚，否則比多左$。飲品少冰，但全杯都係冰。中伏，永無下次…查看更多

呢間店都開左一排，咁耐都未食過。見到台式料理都有兒童餐，就試一次。台式炸豬扒魯肉飯 炸豬扒都幾脆、幾鬆化。魯肉大大舊，仲有大大片冬菇，都係正正常常。溏心蛋係不錯。紅燒三星麵 賣相麻麻地，有啲求其。可選擇湯底，揀左紅燒味，湯底有微辣。有齊三款餸料，牛腱、牛筋、牛肚，牛腱同牛筋都煮得好腍，可惜牛筋未達到入口即化。小公主餐女孩子可選小公主餐，賣相最靚係呢個兒童餐。粉紅色車車上有黃金蝦卷、粟米、炸地瓜條、魯肉麵，仲有乳酸飲品，相當豐富。普普通通正正常常的一餐。…查看更多

✨第一鹽酥雞鹽酥雞酥脆，肉質尚算軟嫩，有少少肉汁，蒜香味香濃幾香口惹味✨紅燒牛肉麵下午茶份量唔多，牛骨湯底濃厚唔油膩，牛肋肉只有兩件，燉得夠腍夠入味，幼麵熟度剛好有彈性✨台式高麗菜豬肉餃下午茶份量有六隻，餃皮有少少偏厚有彈性，肉餡幾飽滿，肉汁鮮嫩。加左啲高麗菜 多一份爽脆，牛肉湯底濃厚✨果味冰茶跟餐飲品，冰茶味道帶啲橙香幾清爽食物可以 下午茶餐份量偏少食物質素冇其他分店咁好 相比之下有啲失色環境服務都唔錯 價錢可以…查看更多

我地今日去食諗住冇咩人排隊完全吾洗等位,三個人叫左魯肉飯,豬手,水餃。d野好快就上好似一早煮好, 個飯勁dry,完全吾好食另一方面, 呢間餐廳完全冇服務可言,上完菜連餐具都吾俾，都吾知點食，每次都要同服務員講先俾。價錢又貴結論：中大伏So sadddddddddddddddddddddddddddddd…查看更多

落大雨想食台灣野又唔想走出商場，於是走入「三星」揾食。新年時食過一次，覺得食物質素對得住三粒星級數，正正常常，今日無諗太多就入內幫襯喇！我同老公分別叫左「台式鹽酥雞冬粉」同「鹽酥雞排滷肉飯」，結果食完心裏默默將佢摘星💫首先，冬粉質感似越南檬粉多過Q彈冬粉，一咬即散唔夠掛湯。浪費左麻辣湯底第二點，鹽酥雞既靈魂本應係外脆炸粉加上惹味椒鹽，咬落去六個字：嫩滑juicy熱辣辣⋯⋯可惜三星既鹽酥雞外皮無椒鹽香、質地軟淋淋，有油膩感而肉質卻出奇地乾⋯⋯而且無味。另外，珍珠奶茶好可惜地無得走甜，叫左少甜但甜度竟然可以拍得住泰式奶茶。我內心有兩個黑人問號：一杯珍珠奶茶如果係用正常茶底，就算用奶粉沖都好，點解無得走甜既？而點解一杯少甜既珍珠奶茶可以甜到天花板級數呢？其實三星既店員有禮而且用心服務客人，我輕輕一問可唔可以轉為麻辣湯底，店員二話不說即刻入廚房查問。只可惜食物質素令人印象大打折扣。衷心希望佢地狀況可以回勇，提升口碑！…查看更多

今日去試新餐廳，但食到一肚氣！～12N 到，冇乜人坐得都舒服看下menus, 午餐價和正價一樣但多了杯飲品和小食。叫了一份台式炸雞排滷肉飯，加$要了杯大紅袍奶茶，再要多個台灣腸小食。杯茶先到，飲咗一啖即刻反眼，奶水一杯，重要唔平，好耐冇飲過咁差嘅奶茶！絕之後主菜到，滷肉入味，送飯一流但一咬落去雞排，裏面竟然未熟😱即刻叫人換，轉了豬排來到一看就知熟，燶燶的喺馬鞍山好耐冇食過咁嘅質素嘅餐廳大家小心中伏…查看更多

下午茶抵食之選，黃金地瓜配迷你魯肉飯+桂花烏龍茶，紅燒牛肉麵+桂花烏龍茶，各$52。黃金地瓜條炸得亁身，外脆內軟，非常香口，只是地瓜不夠香甜，但都算係好味；迷你魯肉飯，翻開地瓜條，原來有半隻溏心蛋，配上魯肉的汁很好味，而肉粒很有台灣味道，每粒都肥瘦相間，軟綿綿很入味，整體感覺很不錯，如果飯粒可以再軟身一點點，一定會再食。至於紅燒牛肉麵，果然是招牌選擇，湯底有濃厚牛味，但不會太鹹，容易入口；紅燒牛肉亦值得一讚，雖然大大舊，但軟滑不鞋口，且腍度剛剛好。…查看更多

今日係聖誕節嘅正日，帶住個BB，諗住去一間冇咁多人嘅餐廳，點知入到去，係一個人都冇，心諗會唔會中伏？但都係為咗坐得舒服，大膽一試。（強調，時間係6:00，其他餐廳大排長龍）望一望個餐牌，見佢主要都係食牛肉麵為主，配合其他台灣嘅特色小食，同台式飲品。鹽酥雞：望落去好似琴日食剩嘅雞湊埋一碟咁樣，食指癱瘓蕃茄三星面：個碗好似三國錐體咁窄，性價比極低，味道都還算可以，蕃茄嘅酸味，可以去除左牛肉麵嘅油膩，你可以見到，牛肉、牛肚、牛筋嘅份量，係少得可憐！威士忌火焰牛肉麵（$168，仲未計加一）：個夥計好搞笑，拎咗兩支撻唔着嘅火機，令到成件睇嚟好似好神秘嘅點火，變得滑稽，食落去，係有濃郁嘅威士忌味，畢竟佢都落咗一shot點着左嘅威士忌落去碗麵度，但嗰啲餸都係咁少！心諗，應該個面嘅價值，主要係杯威士忌度！珍珠奶茶：其實而家喺香港，好多餐廳都會有得飲珍珠奶茶，呢間真係屬於10間裏面排最尾嗰間，奶茶冇茶味，珍珠硬骨骨，啲珍珠真係大粒到係十幾粒黐埋一大粒個種，即使用力吸啜，都不能將佢吸入口腔之中，仲要用飲筒大力抽撞，珍珠們都仲係fd 到無朋友，總之，會覺得$20杯都覺得貴嗰種。聖誕日，有個咁特色嘅一餐，真係人生最深刻嘅一個回憶，三星，注意，不是韓國的三星，是馬鞍山的三星，我不會忘記你的。所以，嚟過呢間餐廳一次，一定要同自己講，同屋企人講，同最親嘅朋友講，千祈唔好去。我想強調，我係一路食，一路忍唔住將呢一件咁重要嘅事，話俾喺網路上，想食好西嘅朋友們知道。…查看更多