十和田總本店

营业中

休息中

星期日同朋友出去尖沙咀行街，行到一半有啲肚餓，見到有間日本餐廳，就入咗去食。刺身沙律沙律份量比想像中多，表面有好多蟹子，刺身新鮮而且種類多，切成大粒狀但仍然食到魚嘅肥美，加埋沙律菜食好開胃。汁煮豬軟骨定食定食有配麵豉湯同日式蒸蛋，麵豉湯調味適中，唔會好咸。日式蒸蛋食落好滑，而且好多配料。主食汁煮豬軟骨好多，豬軟骨煮得夠軟身，用嚟配埋飯食好夾。火炙魚生飯秋季限定嘅魚生飯，用咗粒粒分明嘅珍珠米，仲用咗醋黎調味幾特別，魚生選料好豐富，包括油甘魚、吞拿魚、三文魚、帶子、大蝦、鰻魚、魷魚……表面仲加埋魚子，絕對足料。魚生係厚切嘅，火炙後仍然保留到魚嘅鮮味，令人食指大動。總括而言，餐廳食材新鮮，食飯質素高，價錢合理，下次有機會會再去。