新城潮州飯店

特登落九龍城打冷，咁啱揀咗間難食又服務差嘅舖頭😵‍💫

嗌咗個蠔餅，上菜速度慢，等咗勁耐一嚟到已經見到碟蠔餅又濕又淋，仲要勁油🤮平時勁鍾意食嘅蠔餅，今次半碟都食唔晒，真係啃唔落！

另外嗌咗條鵝片同大眼雞，大眼雞唔係好新鮮，不過算係好食過蠔餅。鵝片就正常發揮，但係兩碟份量都好少。

到埋單嗰吓最嬲…去得打冷都唔預咗平，點估到佢咩電子支付方式都冇（舖頭裏面完全冇標明只收現金），收銀個阿嬸淨係識話「有現金就俾現金啦」，但是實而家呢個世代冇咁多現金喺身都唔出奇吖…問佢有冇支付寶又話冇，微信支付又話冇，信用卡又話冇，淨係識得叫你去對面間七仔撳，仲要語氣勁差勁晦氣！真正嘅貼錢買難受！