The Place

唔知係咪疫情影響定其他原因，幾年前公司聖誕食過lunch buffet覺得食物質素幾好，所以今年同屋企人去食。但好失望，真係冇咩選擇，熱盤得5款，其餘3-5款都係印度炒飯同咖哩，即係辣野，小朋友想食簡單啲炒飯炒麵填飽個肚都冇，俾幾百蚊位真係冇咩食到，小朋友除咗甜品雪糕都冇咩啱食，囉有叫個湯麵叫做食飽咗就算。仲有，飲果汁要加$20，唔係嘛！未試過食buffet 飲橙汁要加錢囉！淨係可檸茶檸水奶茶，唔加錢小朋友淨係飲水。