稻成 (屯門市廣場1期)

营业中

休息中

店內比較多卡位和軟皮櫈，冷氣亦好夠，衛生環境OK叫咗小籠包 & 紅燒牛肉麵，麵湯色濃，但豉油味過重，相信調色時太重手其實好嘅湯底唔會主力用豉油調色，麵份量太少而且沒有麵粉香，而且煮得過淋，牛肉都係得兩條，加兩條青菜乜都冇，食完都唔得鮑。小籠包個皮偏厚，餡料味道有啲似公仔點心小籠包，但肉嘅份量就大粒啲囉。不過都有少少優點，就係包內都算多湯汁，上枱時都夠熱。茶位收$12，不過冇問你飲咩茶，求其俾咗無味嘅茶。屯門有咁多好嘢食，以咁嘅品質都唔會有下次了。