Amber’s Table

营业中

休息中

今次去嘅餐廳有驚喜，佢嘅食物製作認真同有水準！食物方面，我地試咗海鮮凍盤，真係幾豐富。有生蠔、龍蝦、帶子、海蝦、蟶子同螺，每一樣都新鮮又美味。另外叫咗大蝦闊麵配蕃茄羅勒汁，意粉彈牙，大蝦新鮮多汁，同埋蕃茄羅勒汁好夾。煙肉眼扒揀咗五分熟，剛剛好。牛扒質感嫩滑，有煙燻嘅味道，令到牛肉更加香口。最後係梨撻，真係一個完美嘅甜品。酥皮焗得香脆，梨撻入邊仲有吉士。每一口都可以感受到酥皮同梨嘅絕妙組合，真係一個令人回味無窮嘅甜品。飲品叫咗玫瑰牛奶同Florté Rose Soda。玫瑰牛奶奶味濃郁，熱飲暖笠笠。而Florté Rose Soda味道好清新。