，於是就揀咗網紅冰室，
第一次入去，估唔到下晝一點都算幾多食客，好彩我哋都坐到卡位，唔需要搭枱。
睇完幾張餐牌後，最後我都係叫咗個最簡單嘅常餐，揀咗要雪菜肉絲米粉
、火腿雙蛋（炒蛋）
、牛油方包及熱檸水，
大約等咗10分鐘，食物就陸續上枱，估唔到嚟錯咗午餐肉，而唔係我要嘅火腿，不過我亦無要求更換，至於雪菜肉絲米嘅米粉竟然比我想像中多，雪菜及肉絲嘅味道都可以，炒蛋感覺蛋黃比較多，蛋白好似少咗，食落口感唔算滑，感覺有啲實。
總結：冰室應該開咗唔係好耐，整體運作有啲亂，至於食物水準尚算可以，價錢都尚算合理。
