BnR (已結業)

今晚嚟到新港城中心食晚飯，路過咗呢間BnR咁多次，今次都係我第一次嚟呢度食。餐廳食物款式唔算好多，餐牌有啲選項都暫停供應。未到八點鐘，有啲餐牌有嘅落單時都已經賣晒。餐廳叫任何主食都可以+$28配套餐，就有一杯飲品同一款小食。如果主食+$38就會有一杯飲品、一款小食同一款甜品。我哋今次叫咗三個主食，其中兩個餐+$38配飲品、小食、甜品。（主食1） 滷肉飯 $38份量比其他主食少，但價錢便宜、性價比高，味道都算唔錯嘅。（主食2）BnR雞飯 $68係海南雞飯之類嘅，雞肉幾滑、都唔錯。（主食3）金銀蒜籠仔蒸籠躉球飯 $108呢個有啲失望。唔知係咪唔記得落鹽，好淡味。佢份量比一般主食大，如果叫嘅建議兩人share。主食+$38配嘅小食、甜品（兩套）我哋今次其中兩個主食配咗小食、甜品餐，就有小食、甜品筒兩份。小食我哋要咗炸雲吞同鹽酥雞。甜品就叫咗兩款唔同嘅日式福餅。小食、甜品嘅味道都唔錯嘅👍🏻餐廳環境都算唔錯，乾淨衛生。員工都好有禮貌，講嘢客客氣氣嘅，服務態度唔錯。