花漾 (已結業)

經過Time Square呢間餐廳最多人等位食完發現原來價錢唔貴，而且有質數有環境有服務，唔怪得咁多人啦...Lunch Set 跟飲品有唔同選擇「白胡椒肉骨茶麵線」肉骨茶做湯底好正呀，勁香胡椒味，平時我食麵唔會飲湯，今次飲到一滴都無剩，無味精Feel, 肉骨好大條，啖啖肉...麵線好幼滑。「海南雞飯」外皮金黃色嘅海南雞，肉質好嫩好滑，啖啖肉一條骨都無，仲配有三種醬汁。跟雞油飯．碗湯仲加入魚蛋，清清地好飲。「街頭雞肉串燒」雞肉串燒份量比想像中更大，跟埋辣椒醬，就算唔沾都好惹味。「恐龍蛋」兩個雪糕球椰汁味都好濃郁，重點係超滑好Creamy, 底層仲有朱古力脆脆波，令口感更豐富。「美祿哥斯拉」細細個就飲美祿大，加入朱古力脆脆原來仲好飲。「海鹽雪糕椰汁珍多冰」非一般珍多冰，加入粉藍色嘅海鹽雪糕，淡淡嘅鹽味同椰汁好配襯。