極濃雞白湯拉麵
湯濃郁，雞味重，雞肉和豬肉唔鞋，整體來說味道唔錯。湯頭夏天食有啲漏。
鹽味拉麵
湯清香鮮甜，比白雞湯清新，炎炎夏日，係唔錯嘅選擇。
食物質素唔錯，男侍應細心講解，讚！
特別注意事項⚠️
門口同店內餐牌都有寫下午茶8折，埋單時女侍應指有嘢維修中，無單出，口講總金額$392，並如付現金找唔到錢，唔緊要，我哋付現金$400。
之後，有個男侍應好似發現我哋張單有問題，向女侍應查問，詳細內容唔係好聽到，只聽到女侍應話：「俾咗現金啦！」
我哋突然記起，下午茶8折，向侍應索取單據$392「原來」無計我哋8折優惠。
攪左一輪先話做返8折$313，差額成$79。雖然成件事好奇怪，中間職員發生咩事，我哋唔評論喇！不過下次一定要對單，自己睇清楚啲單啦！
費事俾多咗錢都唔知
