影片
更多
2017-11-26
5580 浏览
呢篇係我第一篇食評，實在不吐不快，我地5人點了片皮鴨2食，松子黃魚，宮保蝦球，豆苗同埋青菜炒麪；片皮鴨皮乾肉又鞋又淡，黃魚超迷你好似營養不良賣相奇差味道一般，蝦球乾又硬，碟麵基本上完全冇味仲好似豆腐咁林，豆苗算正常；成餐最好就係嗰2碟一坐低就捧來嘅小食(好似成四十蚊一碟); 侍應個個朩無表情，最離譜係叫左拔絲香蕉，個部長話最少要30分鐘；我地照叫，送左甜品碟同筷子上枱之後，呆等左超過半粒鐘，叫個部長check吓，幾分鐘後走來話唔記得落單，話同我地即刻整，叫我地等10分鐘，都唔知佢地攪乜，落單就話要30分鐘，而家10分鐘就得；唔想整就一早出聲la, 浪費哂我地d時間，乜mood都冇哂，埋單走人，5個人食左差唔多二千五蚊，一d都唔值，咁嘅食物水準服務態度完全唔合格，都唔知點解會有米芝連1星？或者外國人幫襯好d卦；我地以前久不久都會去北京樓食飯，以後都咪攪
张贴