食樂

营业中

休息中

L1A. 紅酒燴牛脷飯（$68）紅酒醬汁濃厚，味道亦濃，好啱我口味。牛脷有六件，厚切，有脷根位（腍身）、脷芯位（軟嫩）、脷尖位（爽口），件件都好入味，不錯。飯底係珍珠米，配以紅蘿蔔粒及芹菜粒。L1B. BBQ醬雞肉墨西哥捲餅伴田園沙律日式芝麻醬（$63）捲餅一開二上碟，面頭唧上BBQ醬，餅皮少少煙韌有咬口，入面餡料（雞肉及三色椒碎）少辣，惹味。沙律菜份量不少，都好新鮮。小店內裡裝修幾有心機，兩邊牆都有大量綠色植物，坐得舒服。PS：全日免收服務費。