生記飯店

营业中

休息中

聽過生記的名字已數十次，但今次才是第一次來。是剛搬到的新店，既被稱為米芝蓮經典粵菜，當然有所期待。朋友指名要黃沙豬潤，我必食义燒、生炒骨，但中午原來是沒有泥鯭弼，於是改了手磨生煎蓮藕餅，古法製鹽焗雞、椒鹽九肚魚。原來新鮮黃沙豬膶，係好搶手難買，要與供應商保持良好關係才可確保優質貨源，所以每日只能限量供應。黃沙豬膶與一般豬膶不同，食落好有質感，不乾身，好有水份，但我不好豬膶，尤其那味道，不過湯及枸杞有鮮味的。生炒骨完全不覺有粉醬，肉嫩，而且汁濃郁，好醒胃。义燒最見真章，見證師傅的功力。朋友之前已食過數次，她說依舊好味，相信師傅依然保持水準。至於炒麵及白糖糕，就不過不失。