滿屋日本料理 (大埔超級城C區)

营业中

休息中

好耐冇食放題，咁啱friend子生日約佢去食放題慶祝吓先。嚟到餐廳聞到陣榴槤味先知原來做緊優惠，任何組合嘅放題都可以免費升級馬來西亞烤榴槤無限任食，坐低即刻叫返一碟食吓先。第一次食烤榴槤，外層有陣焦香味，榴槤味好濃郁。凍梅酒好清甜。自助區有好多款前菜任夾。各款刺身大大舊好鮮甜。大赤蝦仲長過隻手指。油甘魚好肥美。燒物即叫即燒熱辣辣。炸物都係即叫即炸。芝麻雞翼仲有肉汁好juicy。煮物叫咗兩款，上面灑上大量芫茜啱曬芫茜控。壽喜燒牛肉鍋俾足料，除咗牛肉仲有豆腐、粉絲、娃娃菜、白菜仔同金菇，另外仲加咗隻蛋添。湯底味道好清甜。最後試埋兩隻知名牌子雪糕，成餐都好滿足。