勝手

呢間餐廳係銅鑼灣比較偏既地帶，朋友帶我黎先識。😶我地中午黎，佢有lunch set，包配菜湯同甜品，我地叫個個set唔到$70，銅鑼灣黎講好抵，佢和牛個餐就貴啲。因為另外見佢都多串燒，一開始驚唔夠，所以叫埋，後尾抱住個肚走🤰🏻

個配菜都幾高質，我地都好鍾意個麵鼓湯。

雞泡魚乾

平時我自己唔會點雞泡魚乾，朋友點左，食落甜甜地，好正。

串燒

個免治雞肉串好嫩，佢底下個個係醬油，中間有個生雞蛋，點醬食好濃郁。另外我最鍾意個鵪鶉蛋串，佢表面烤完，將啲醬汁味都烤左入去，好味。

另外主菜我點左牛舌，個牛舌好嫩，同埋煮得好入味，另外最重點係，個量真係勁多，通常都係下面鋪滿葱，上面係肉，結果佢全部都係肉，好抵，但都勁飽。

朋友點左烤靖魚，我試左啲，魚肉好嫩，我從來
唔點靖魚，因為好驚點到「鞋」既，呢個我下次黎會考慮點。不過佢真係好大條，可以點少啲串燒🤣

最後個甜品應該係羊羹，但佢無平時個啲咁甜，我覺得係岩岩好，同埋因為細細舊，最後食可以中和全部都係肉既肉膩。

總結午餐真係好抵，會再返黎。