朋友特意約我嚟西環食夢之丼，就咁睇餐廳都好新，地方闊落而乾淨。最令我驚喜係女廁有智能廁所🤣
餐廳既食物品質非常好，菜式既款式亦有好多係平價日本餐廳唔會有既野，絕對對得住佢中價既價錢。
花錦魚生丼
係我地去既時候做緊優惠，入面既食材款式豐富，有三文魚、油甘魚、赤身等較常見既魚生食材，味道鮮甜。
而飯就用左赤醋處理，即使唔落鼓油，亦好香好好味。
整體好有誠意啊，食材新鮮，飯既處理都好好，值得一試。
銀鱈魚(左上)、深海池魚(右上) 及石垣貝(下排)
銀鱈魚：表面做左炙燒處理，令魚皮既魚油慢慢滲出黎，魚質柔軟，睇得出師傅有花心思，味道亦非常好，價錢不低，但非常值得
深海池魚：刺身，肉質鮮甜，驚喜無銀鱈魚咁大，品質仍然屬於上成
石垣貝：餐廳推介的產地直送，一句說話，真係平時係平價餐廳食到既任何具類都無法相比。有極重既具類鮮味，口感少少爽口又好柔軟，好有說服力
柔煮鮑魚
鮑魚口感煙韌，吁道有少少煙燻既感覺，煙韌得黎容易咬開
特別欣賞鮑魚上面既鮑魚肝醬，即使一些非常高級既店鋪亦未必會做到既整法，令鮑魚提味增色不少，份心思同味道均極為推介。
夢之丼
賣點是各款名貴食材既搭配，來自日本的海膽、牡丹蝦、日本珍寶級帶子以及真蟹肉和三文魚子
每道食材都發揮到應有魅力，如海膽味濃且沒有任何苦澀味、帶子肥美
而且份量充足，絕無欺場，雖未至夢幻既組合，但絕對對得住招牌菜式既稱號。
夢之丼搭配的檸檬醋，每嚐一款食材後，清理口腔後，再嚐下一款，細節及心思均不馬虎，香港少見的認真餐廳。
最後點了一份羊架，試試它的熟食，想不到味道亦很好，下次可以放心光顧了!
很享受的一餐!
餐牌如下
P.S. 女廁好乾淨好靚
