首先嚟到係啲烤肉串，啲汁油油亮亮，咬落去仲有啖啖肉香。配啲濃濃嘅醬汁，感覺似花生同香料混埋，微辣又有甜味，配幾片黃瓜清清口，超級啱晒！
之後嗰份巴東牛肉餅，皮層層叠叠，炸到金黃香脆，掰開有滿滿嘅肉汁，牛肉軟滑入味到不得了。我哋嗌咗啤酒，啖啖酥皮配一口啤酒，感覺好chill，呢個組合無得輸！另外我哋都有嗌薄荷桔仔梳打，好好飲，落重薄荷好fresh👍🏻
再嚟係啲炸雞翼，外皮炸到脆卜卜，啖啖肉質juicy，仲有啲微甜嘅調味，食落去好滿足。盤上嘅新加坡小旗好得意，感覺似旅行咁開心，邊食邊笑！
個烤五色時蔬真係驚喜，所有蔬菜烤得好香最正係個蒜蒜頭冇得頂！
我哋嗌咗隻海南雞，我覺得係我食咗咁多年海南雞最好食，連我唔食雞皮嘅都食晒，個雞皮唔油膩，下層仲有啲啫喱狀嘅雞汁，旁邊嘅黃瓜清新又解膩吸埋啲汁不得了，又清晒盤😋
最高潮係啲奶油蝦，
肥美到不得了，香氣濃郁嘅奶油味包住啲蝦，啖啖鮮甜停唔到口，一定要嗌埋佢嘅烤餅皮脆內軟，攞嚟點奶油蟹啲汁冇得輸，我哋嗌咗三碟。
甜品我哋嗌咗甜餅，香蕉卷同埋佢新出嘅斑蘭焦糖燉蛋，三款我都推介，真係要捧住個肚走🤭
我哋仲嗌咗個蕉葉烤魚，我都未影相就即刻俾人清晒，烤魚上面嘅醬汁好香濃，好大條但我個仔食咗半條😆😆😆😆
佢仲有啲預先要訂嘅菜，下次我一定要食埋佢！好想試吓佢嘅胡椒蟹同燒乳豬😍😍😍
今次喺「嚟食」食咗一餐，個環境同老闆好親切，菜式多樣又美味，長洲呢個地方加上「嚟食」嘅好味，真係要多嚟幾次！
