牛大人台灣火鍋吃到飽 (瓊華中心) (已搬遷) 新店位置

經過牛大人好似未食過，所以就入去坐低慢慢食下嘢，環境坐落都幾舒服又寬闊， 唔會覺得好逼夾好唔自在咁。我揀咗澳洲極上和牛餐而今次就嗌咗台灣鳳梨雞湯，真味食落去唔會話好藥材， 佢仲有啲配料喺湯底度添，例如: 娃娃菜、雞、苦瓜， 所以佢呢個湯係用真材實料去煲!去到牛大人咁就梗係要食牛啦 佢哋嘅牛都有好多款揀如果唔係幾鍾意食牛嘅朋友佢都有得揀豬同埋其他海鮮嘅，佢哋嘅牛好砌得好薄，基本上烚兩下就食得，啲牛嘅紋路都好靚同埋幾新鮮。而海鮮方面佢嘅蝦又大隻又多膏，另外啲蜆係冇沙㗎，可想而知係幾新鮮同埋幾乾淨。如果鍾意食菜嘅朋友嗰度都有好多款菜可以揀㗎，不過佢菜嗰啲就係自助式自己出去拎嘅，自己鍾意食幾多就拎幾多號方便!另外佢仲有得嗌其他好味嘅小食，啲小食酸酸甜甜真係好開胃，佢嗰度仲有得嗌啲特別飲品例如啤酒， 每個人都會送一客甜品，有雪糕，仲有特製嘅台灣仙草糖水，有興趣嘅朋友都快啲嚟試下啦!