影片
更多
2017-05-03
393 浏览
啱啱放工攰攰地，決定去 Bilibala 食番幾串串燒醫吓個肚，回吓氣。鍾意呢度地方細細地，靜靜地，放工後，約埋三倆個同事 Happy Hour 當然唔錯，但其實一個人坐喺度食D嘢，飲番杯，都好自在好舒服。而且，除咗串燒之外，其他食物都有好多選擇。即刻就叫咗杯 Lychee Sake Mojito 飲，頭一啖係茘枝香，跟住飲落酒味都幾濃，加埋薄荷涼浸浸，又香又甜，好好飲。跟住，就叫咗我最鍾意嗰兩款前菜，黑松露冷日本蕃茄，同韓國泡菜。黑松露冷日本蕃茄，肥大肉厚嘅蕃茄，加埋D醬汁已經好好味，但係再加埋香氣十足嘅黑松露，就成為我每次必食嘅前菜。韓國泡菜，爽脆酸辣，味道好開胃。串燒，一定係食粟米先，燒得燶燶地，好香牛油味，一客兩件，過足口癮。煙肉車厘茄，脹卜卜嘅車厘茄，比香脆嘅煙肉包住，一啖入口，好味。安格斯牛柳，濃厚嘅肉味焦香，最正嘅係啖啖肉，囗感好鬆化。雞翼，D皮燒得好乾身，又脆又香，而裡面D雞肉依然好嫩口。豆腐，呢個其貌不揚嘅豆腐，其實好好味，厚厚地嘅金黃外層，包住裡面白雪雪、滑嘟嘟嘅豆腐，豆味好香濃。然後，一口氣食咗三隻蕃薯，其實呢個係日本小蕃薯，食曬都唔會飽滯，口感煙韌，薯味比較淡，
即刻就叫咗杯 Lychee Sake Mojito 飲，頭一啖係茘枝香，跟住飲落酒味都幾濃，加埋薄荷涼浸浸，又香又甜，好好飲。
跟住，就叫咗我最鍾意嗰兩款前菜，黑松露冷日本蕃茄，同韓國泡菜。
黑松露冷日本蕃茄，肥大肉厚嘅蕃茄，加埋D醬汁已經好好味，但係再加埋香氣十足嘅黑松露，就成為我每次必食嘅前菜。
韓國泡菜，爽脆酸辣，味道好開胃。
串燒，一定係食粟米先，燒得燶燶地，好香牛油味，一客兩件，過足口癮。
煙肉車厘茄，脹卜卜嘅車厘茄，比香脆嘅煙肉包住，一啖入口，好味。
安格斯牛柳，濃厚嘅肉味焦香，最正嘅係啖啖肉，囗感好鬆化。
雞翼，D皮燒得好乾身，又脆又香，而裡面D雞肉依然好嫩口。
豆腐，呢個其貌不揚嘅豆腐，其實好好味，厚厚地嘅金黃外層，包住裡面白雪雪、滑嘟嘟嘅豆腐，豆味好香濃。
然後，一口氣食咗三隻蕃薯，其實呢個係日本小蕃薯，食曬都唔會飽滯，口感煙韌，薯味比較淡，總係覺得變咗迷你版嘅食物，食起上離，就係少咗一份大啖食落肚嘅滿足感。
呢個時候，叫個燒飯糰食吓就啱啦，一客有兩個，揀咗梅子同埋明太子口味，仲有牛蒡漬伴住。熱辣辣，即刻咬一啖，飯糰嘅外層，似乎燒得過咗火，D飯比較乾硬，好彩𥚃面D飯依然又軟又暖，仲有好大堆梅子饀，梅子嘅酸味，令人愈食愈開胃，其實坊間D飯糰，裡面好多時都係冇饀㗎，只係得面頭一小撮，呢個真係好好食，不過，如果外層可以軟熟D，就更加好啦！跟住食埋個明太子，又係好大堆明太子喺裡面，鹹辣惹味，仲更加醒胃，食曬之後，就覺得好滿足啦！
张贴
