千両 (國際金融中心商場)

营业中

休息中

買咗飛睇戲，十點先開場，可以黎千両等位。其實佢新開張不久已首次幫襯，餐牌上大部份壽司無論平貴，大部份都試過，之後每次黎都係主攻心水壽司。但係今次都係第一次為佢寫食評。好多人都會覺得千両只係元氣的升級版，但係我覺得兩間店係完全唔同。誇張點講，有了千両後我就冇再去元氣。其他的熱門廻轉壽司店也偶有幫襯，但試過後都冇再去，食廻轉壽司都只會諗起呢度。每次都有一大條人龍，如六點九前攞唔到飛(六點半前正常來說都會即時有位)，起碼要等一個鐘甚至更耐。手握壽司都無需多介紹，總之這裡的壽司水準很高(尤以廻轉壽司來計)。若再算入價錢這因素，是超值！Wasabi 好香，睇得出係粒狀的，有香味但不太攻鼻，不同於其他像牙膏般，只有攻鼻味而無香味的wasabi。很重要的一點是，我所講的是IFC這一間千両。尖沙咀那一間分店我去過一次，水準絕不及這一間。至於其他分店我未去過，不知水準如何。