Top 1: 櫻花紅豆大福$23
味道好細緻，糯米軟糯，櫻葉好香微鹹，紅豆䶟唔會太甜！
Top 2芒果糯米糍$23:
皮薄，芒果靚！第一次食超甜，第二次可能開始唔當造，無咁甜但超太舊！最重要係唔會食到成口粉，平時啲芒果糯米糍為左唔痴手，底面加好多粉。呢間嗰啲完全無粉！
Top 3斑斕椰汁千層糕$13:
斑斕味超自然，唔係假色素，自然香既斑斕同椰汁恰到好處；唔太甜
開心果糯米糍$23
糯米糍超軟糯，入面用左好多開心果，調校到少少鹹香，無咩糖。真材實料！
橙朱古力$100
先生好鍾意食，話個橙既厚度同黑朱古力比例岩岩好
杜拜朱古力$130
呢間杜拜朱古力迎合香港人口味，完全唔甜，用埋黑朱古力。反而失色左，食唔到開心果同脆脆既甜香。
不過綜合性價比真係超誠意之作。店舖開：12:00-18:00 大家要留意時間
1
