甜入心

呢間新鋪就係公司附近，新開張果排lunch成日排晒長龍。最近排隊情況好返少少，有次就試下入去排買芋頭糯米糍。係排我前幾個人，佢地落單時我都聽到芋頭已經賣晒，不過諗住冇芋頭，應該會試左紅豆，就繼續排下先。到我落單時都多口問一句店員，係咪冇芋頭，本來繼續係冇。但鋪頭突然話送梗新貨嚟，我問等幾耐左右，佢地話等5mins, 咁我梗係等埋佢啦。買完就返公司即刻食。個糯米糍唔係凍，係微微涼。咬落去，塊皮夠薄，勁軟熟，唔會好似隔夜咁實/硬，再大力d渣落去可能會扁晒。同埋塊皮冇出水，冇熔，冇濕笠笠。入面個芋頭餡好滑，唔乾，但芋頭味就唔夠濃，甜度我個人覺得係中等，我自己就覺得岩岩好。…查看更多

我好鍾意食甜品，但唔鍾意太甜。呢間岩哂我口味！呢間甜品我會不斷買買買！Top 1: 櫻花紅豆大福$23味道好細緻，糯米軟糯，櫻葉好香微鹹，紅豆䶟唔會太甜！Top 2芒果糯米糍$23:皮薄，芒果靚！第一次食超甜，第二次可能開始唔當造，無咁甜但超太舊！最重要係唔會食到成口粉，平時啲芒果糯米糍為左唔痴手，底面加好多粉。呢間嗰啲完全無粉！Top 3斑斕椰汁千層糕$13:斑斕味超自然，唔係假色素，自然香既斑斕同椰汁恰到好處；唔太甜開心果糯米糍$23糯米糍超軟糯，入面用左好多開心果，調校到少少鹹香，無咩糖。真材實料！橙朱古力$100先生好鍾意食，話個橙既厚度同黑朱古力比例岩岩好杜拜朱古力$130呢間杜拜朱古力迎合香港人口味，完全唔甜，用埋黑朱古力。反而失色左，食唔到開心果同脆脆既甜香。不過綜合性價比真係超誠意之作。店舖開：12:00-18:00 大家要留意時間…查看更多

早前看到報導，心頭已記住這大有故事的小店，今日於灣仔開會，所以特登走過來試，本身想試紫薯糯米糍，可惜是日售罄，所以試了傳統紅豆糯米糍，既經濟又傳統，可以試試究竟有幾特別。店內有單邊座, 購買後可以立即在旁試食。之後發現這確實係行銷策略，試過好食，立即加單。無錯，糯米糍皮軟糯，入口有綿綿口感，最驁喜係豆沙餡，豆沙磨到的幼細，有好重慨紅豆香，綿滑又漲卜卜嘅豆沙，微甜在心，食完一啖後，立刻決定要加購跟朋友分享。推薦！…查看更多

今天路過甜品店見有現貨入去問下是否訂才可買。老闆娘即話唔需要現貨即買同時取消咗預訂喇。試咗芒果糯米糍大隻芒果水份夠多汁可惜好多好多根😅😅 櫻花餅 畀起出面日本店做嘅較為細緻紅豆餡 ok 但係葉冇鹹味🤔🤔 芋頭糯米糍芋頭蓉超滑但係如果加返少少芋頭粒食落有咬口質感更加好紅豆糯米糍紅豆餡同櫻花餅嘅紅豆下午差唔多但有少少乾。總括所有甜品佢糯米做得非常柔軟煙韌甜度相當恰到好處一啲都唔會太甜...👍👍之前試班蘭糕都好柔軟食嘅時候又可以一層一層咁搣嚟食 但係聞就好香班蘭味食落就爭少少。…查看更多

今天啱啱路經灣仔之前網上見到開咗甜品店十二點是營業時間。 營業時間前去到巳有人排隊六七個人。但係十二點十幾分都未開門有待改善守時！到大約十二點十五分就有位小姐話今天只有班蘭糕買任何其他芒果糯米糍櫻花餅朱古力所有都要預訂才有。再等差不多十二點半才開門。 今天班蘭糕買四件加一元多一件。買了班蘭糕試聞有班蘭香味，但食班蘭味真係好唔夠軟硬度合格好軟。…查看更多

在灣仔「甜入心」的偶遇，徹底顛覆了我對傳統甜品的想像。這間隱於鬧市的小店，宛如甜品愛好者的秘密花園，每款產品都流淌著匠人精神的溫度。晶瑩剔透的芒果糯米糍輕啟朱唇，台灣金煌芒的奔放甜香瞬間漫溢齒間，與日本糯米皮纏綿出恰到好處的甜度平衡，彷彿將整個盛夏封存在這方寸之間。斑斕椰汁千層糕更是視覺與味覺的雙重盛宴——翡翠與純白交織的九重天，斑斕葉的幽香與椰漿的醇厚層層遞進，入口彈潤如踏雲端，是東南亞風情最詩意的詮釋。驚喜不止於此。手工杜拜朱古力在可可原香中暗藏藏紅花的異域風情，每顆都是絲路傳奇的味覺濃縮；而自製XO醬則將瑤柱、金華火腿的精華收納於方寸瓶中，鮮辣交織的複雜韻味，無論佐飯拌麵都能點石成金。從傳統甜點到創意珍品，「甜入心」用食材本真說話，每口都是對味覺的虔誠致敬。這趟味蕾巡禮讓人頓悟：真正的甜品藝術，原來藏在這灣仔巷弄的方寸天地間。…查看更多

今次有相機食先啦！有堂食有外賣建議返屋企都係雪凍先食😋芒果糯米糍大過小朋友隻手🤪😂堂食應該係最好食😋喺雪櫃即刻拎出嚟即食等唔切返屋企食而其他糕點就拎返屋企食估唔到呢個千層糕咁好食睇佢個樣好平凡 結果我一口氣食咗兩件🤪🫣可能我太鍾意食煙煙韌韌嘅嘢🥰呢個芒果糯米糍 係學老闆娘做直播時廚師咁樣切嚟分享好有儀式感🥳😬…查看更多

已經幫襯過幾次😊初初都只係食芒果糯米糍，不過冇影相，所以冇寫食評。今次犀利啦！終於試左人生第一排杜拜朱古力。朱古力味和開心果味超濃，非常鬆脆非常厚和大塊，非常好吃，建議買來試試，朱古力上面還有金箔看起來很貴重，送禮自用，都很好❣️…查看更多

朋友推介嘅日式甜點新舖頭，款式唔多，但睇落樣樣精緻。試咗櫻花餅同大福，口感煙靭，甜而不膩，好評。尤其推薦櫻花餅，鹽漬櫻葉脆卜卜，少量咸味襯托起甜甜而煙靭糯米同紅豆，一流﹗…查看更多