小念頭 (億利工業中心)

营业中

休息中

回憶係唔可以被驗證，因為一旦驗證，就會破滅。記憶中嘅小念頭係美味嘅，但搬到荔枝角嘅小念頭，打破了我覺得小念頭係好食嘅念頭。點了餐牌推薦嘅日式咖哩雞飯，心諗日式咖喱雞飯其實好難可以出錯，但原來我呢一個諗法係錯嘅。第一次食一個日式咖喱雞飯係可以咖喱汁稀過水，然後薯仔蘿蔔係唔熟嘅，雞冇醃過就攞去煮，仲食到雞肉沾到雪櫃嘅百味雜陳嘅味道。你可能疑惑點解咁難食都仲可以食得晒，係因為我真係好肚餓同埋我唔想浪費咗自己個$68 。之後我為咗驗證自己，係唔係真係純粹佢哋專長做甜食而已，所以我嗌咗個大家推薦嘅咖啡酒芝士蛋糕，味道一般無甚驚喜，咖啡酒味唔突出，芝士唔夠滑溜。