牛大人台灣火鍋吃到飽 (瓊華中心) (已搬遷) 新店位置

都一排冇打邊爐，想食牛大人嘅心癮又起，就同朋友趁少人啲嘅下午五點過黎。難得食一次，我地就叫極上和牛吃到飽嗰個餐，七點半前離座係$258一位。朋友唔想食辣，於是我地就揀左阿嬷養生濃湯鍋，呢個湯底食落清清地，唔會太濃，但又夠味，同每款食材都好夾，係一個幾好嘅選擇。雖然話係養生湯，不過唔算係藥材味嗰種，呢種容易入口好多。入面有桃膠、紅棗、木耳同埋好多菜，都幾啱我地食。用手機落單，點左啲肉、小食同埋餃子之類。等緊野食嘅時候，我見到檯面寫住like 社交平台就有杯免費嘅紫芋霜奶送，就同朋友一齊follow instagram，一人有一杯紫芋霜奶。飲落好多珍珠，係珍珠香芋鮮奶嘅味道。一路食台式火鍋一路飲台式飲品都幾好。限量嘅每人兩粒和牛牛丸好好食，啲牛味不得了，同埋充滿肉汁又彈牙。澳洲和牛M5 牛肩卷係呢個餐必食嘅肉，碌幾秒就熟，食落牛味好濃郁，好好食。安格斯一口牛肉粒都好唔錯，仲有油脂豐富嘅安格斯牛小排都係好值得一食嘅。有好多台式小食，朋友最鍾意就係糖醋甜不辣，encore左幾次。最後一人一杯movenpick雪糕，結束左呢餐豐富嘅打邊爐。