Outback Steakhouse (奧海城二期)

营业中

休息中

話說細女想食牛涮鍋，咁就揸車去奧海城，揸到停車場見到仲有4個位，心急之下喺雙白線調頭，點之一調完就聽到鐵馬響號過嚟，送咗張$450嘅牛肉乾俾我食先。攪咗十幾分鐘之後去到商場，點知多人到爆，咁我哋就轉去Outback食，等咗十分鐘左右就有位，唔算等得太耐可以接受。我叫咗燒加拿大有骨黑毛豬扒，主菜未到當然要食免費嘅麵包啦，Outback嘅免費麵包好好味，主菜嚟到賣相非常吸引，職員話佢哋個黑毛豬扒係7成熟，食落真係好有口感，唔太硬又有肉汁，加埋個飯底啱啱好，但個飯底略嫌有啲硬。店內裝修、環境舒服，服務態度唔錯，但人手好似有啲不足咁，可能係Lunch時間關係。價錢算係合理，係加多咗張牛肉乾貴啲啫Outback店外餐牌餐牌餐牌餐牌餐具店內裝修免費麵包燒加拿大有骨黑毛豬扒