西貢街頭越南牛肉粉

营业中

休息中

係灣仔食晏，想食pho就嚟咗呢間西貢街頭，點知大排長龍，差唔多14:00點先入座點知錯有錯着，14:00下午茶開始，餐牌同午餐一樣，份量一樣，但係平啲。叫咗碗生牛肉牛腩片雙拼越式金邊粉，賣相幾好，方便走青走洋蔥，加少少青檸汁，飲落個牛骨湯幾濃牛味。牛腩片勁正，生牛肉都好嫩。另外加個越南春卷，新鮮炸起熱辣辣，跟足傳統有生菜俾你包著食仲有啲腌菜同埋酸汁點添。最後飲返越式滴漏咖啡，咖啡味濃，成個人醒神晒。