百匯軒

营业中

休息中

難得颱風有一日假期，就到附近嘅酒樓飲茶，估唔到中午時段，都坐了八成滿，現在可以四人一台，就可以食多一啲點心。呢間百匯軒都坐得幾舒服，鹹水角新鮮炸起脆卜卜，好新鮮好好食。另外腸粉即叫即做，雖然等得來一啲，不過都好呀，而且份量都大。叉燒包就係飲茶一定要食嘅點心，白雪雪幾靚仔，叉燒餡份量適中，汁也唔會太多。好好食，好滿意。今日叫咗一個炒麵，就係薑蔥牛肉撈粗麵，可能牛肉真係太貴，所以成碟野好難搵到牛肉，不過面就有好多，所以一定夠食，而且會夠飽，味道就比較鹹，食完都有少少口乾。飲呢餐茶我哋三個人，都要$220 ，所以飲茶都幾貴，不過打風係計假日收費，所以就冇平嘅特價點心。