囍悅軒-星滿樓宴會廳

营业中

休息中

新年入元朗錦繡花園拜年，老友招呼去錦繡商場嘅星滿樓宴會廳-喜悅軒飲茶。呢個商場間酒樓喺湖邊，如果坐喺窗邊就可以睇住個湖同天鵝游水曬太陽。😂呢間酒樓除咗普通嘅蝦餃燒賣之外，仲有好多特色小食。老友介紹咗一碟麻辣沙薑豬手，即管試吓。碟豬手送到上嚟冇乜特別，好似白雲豬手下邊有啲醬汁咁樣，不過一食落去，嗰啲醬汁真係好味到冇得頂，麻麻辣辣，食落後勁凌厲。老友介紹加少少醋汁，可以中和返冇咁辣，卒之辣吓辣吓成碟豬手食晒。再加埋其他幾樣精品點心，大家都食到捧住個肚。如果第時離開呢頭，都可以再約老友上嚟飲茶食豬手。