快樂小羊火鍋料理 (銅鑼灣廣場一期) (已結業)

放假又約咗朋友去銅鑼灣行街，行完街喺附近搵啲嘢食下，朋友帶咗我去一間食羊肉嘅火鍋料理，食物非常好值得推介。快樂小羊火鍋料理，銅鑼灣廣場一期地址銅鑼灣軒尼詩道489號銅鑼灣廣場一期4樓。餐廳主打火鍋，蔬菜任食，睇落去好整潔新鮮。另外可以點串燒，我哋就點咗烤羊串同烤羊架。烤羊串26元，份量都算多上面加咗孜然粉食落去唔乾身有肉汁。烤羊架每件48元，羊架size都好大隻，一啖咬落去味道好香，邊位燒到有少少焦香，令到味道層次更豐富。最正就係充滿肉汁，羊架同孜然粉嘅味道好夾。打邊爐方面就點咗個牛肉拼盤，魚肚同鮮腐竹。牛肉拼盤賣相勁吸引，牛肉味香濃，脂肪分佈均勻有入口即溶嘅感覺。估唔到食羊肉嘅地方啲牛肉都可以做得咁出色。